ENSHEIM Homepage

Mundart-Sagen-Wanderungen im Oktober 2003

Vorgetragene Sagen (3) - Mundart-Version

’S Pärrd oohne Kobb

Minn Urgrooßbabbe isch uss Fechinge. Alsa noch e junga Bursch waa, ischa noh Ensemm fräie gong. Degg waa’s schunn schbääd in da Naachd, alsa sich uff de Hämmwää gemach hadd. Äänes Owends waa dass willa de Fall. Alsa in de Wald eninngong isch, hadds uff da Uhr vunn da Ensemma Kirch grad zwelleff geschlaa. Die Naachd waa vumm Moond gons lichd. Alsa ussem Wald erusskumm isch, halla linggahonnd uffem Schdigg e Pärrd medd Saddel schdehn gesiehn. „Ei, dass isch awwa gudd“, halla sich gesaad, „doo kummich joo scheen kämm unn muss aa nidd laafe.“ Er isch uffs Päärd gegrawweld, unn uff äämool halla gemärgd, dass dass Vieh gaa känn Kobb gehaad hadd. Awwa schunn isch’s meddem im Galobb de Bärch enunna geroosd, uff de Wischbach zuu, dassem Siehn unn Härre vagong isch. So wiea uff de Wies unna im Daal oonkumm isch, halla sich erunnafelle gelass. ’S Pärrd isch awwa in de Bach geschbrung unn waa vaschwunn. Doo halla uff äämool e Schdimm gehärrd: „Dass hadda de Däiwel gedoon!“ Wännem nidd noch noh Daa die Gliche wehgedoon hälle, hälla dass gonse fa e Troom gehall.

eMail an den Webmaster

Last update: 04.11.2003